Një prokuror i gjykatës më të lartë penale të Greqisë ka urdhëruar të hapet hetim mbi shkaqet dhe mënyrën sesi u menaxhua situata pas përmbytjeve që vrau të paktën 15 njerëz dhe shkatërroi infrastrukturën javën e kaluar.
Hetimi do të shqyrtojë gjithashtu nëse masat për parandalimin e përmbytjeve të marra nga autoritetet lokale ishin të përshtatshme në dritën e paralajmërimeve të qarta paraprake nga shërbimi kombëtar meteorologjik i Greqisë. Ai do të shtrihet kryesisht në zonat e Volos, Karditsa, Larissa dhe Trikala, që janë edhe rajonet më të goditura.
Stuhia Daniel, më e forta në Greqi që nga fillimi i regjistrimeve në vitin 1930, përfshiu Thesalinë në Greqinë qendrore. Pothuajse një javë, shumë fshatra në rreth 72.000 hektarë janë ende nën ujë në Thesali duke kërcënuar mungesën e ushqimit për vitet në vijim dhe mund të çojë në rritjen e çmimeve.
Banorët e zonës fajësojnë autoritetet, se ndërsa dihej që stuhia Daniel po afrohej, askush nuk kontrolloi gatishmërinë e infrastrukturës dhe nuk parashikoi një furnizim alternativ me energji elektrike.
Nga ana tjetër autoritetet shëndetësore po monitorojnë nga afër qytetarë, me qëllim zbulimin dhe parandalimin e shpërthimeve të mundshme të sëmundjeve infektive pas përmbytjeve të fuqishme. Gjithashtu po rivlerëson objektivat e saj, duke i dhënë përparësi kompensimit për viktimat.
BE-ja i dha Greqise nje shumë të menjehershme prej 2.2 miliardë eurosh për përballimin e dëmeve nga përmbytjet. Kryekomisionerja evropiane Ursula Von Der Leyen i tha kryeministrit Mitsotakis se Greqia do të marre edhe 400 milionë euro shtese nga Fondi Evropian i Solidaritetit./Klan News
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...